إِحْيَاء عُلُوم ٱلدِّين

احیا العلوم الدین

مُصنف	الغزالی
اصلی عنوان	احیا ٕ العلوم الدین
زَبان	عربی
موضوٗع س	اخلاق تہٕ فلسفہٕ
اشاعتُک جاے	ایران

احیٰا العلوم الدین چھےٚ بٔہمہِ صٔدی ہٕنٛز اَکھ کِتاب، یۄس اِسلٲمی عٲلِم تہٕ فلسفدان الغزالی ین لیچھمٕژ چھہٕ۔ یہِ کتاب ٲس الغزالی یَن پننِس روحٲنی بحرانَس دوران لیکھمٕژ یُس بغدادَس مَنٛز نظامیہ دانشگاہ ہُنٛد سربراہ مقرر گژھنہٕ پتہٕ پٲدہٕ سپُد، ییٚمہِ کِس نٔتیجس مَنٛز سُہ 10 ؤری کھۄتہٕ زیٛادٕ عرصہٕ تام مسلم دنیاہٕ نِش غٲب گوٚو۔

یہِ چھُ تٔمؠ سٕنٛزو اَہَم کامہِ مَنٛز اکھہ ماننہٕ یِوان تہٕ خدایہِ طرفہٕ مُتقیٖم مُسلمانن ہٕنزِ وَتہِ ہُنٛد اَکھ کلاسِک تعارف، یُس قرآن پتہٕ اِسلٲمی توٲریخس مَنٛز سارِوٕے کھۄتہٕ زیٛادٕ بااثر کتاب ماننہٕ یوان چھہٕ۔ ابتدٲیی طور ٲس یہٕ 40 جلدن پؠٹھہ مشتمل تہٕ اِسلٲمی تصورات تہٕ عملن پؠٹھہ مُتوجہ، تہٕ بیٚیہِ کٕتھہٕ کٔنؠ ہؠکو عرفانُک اعلی مقام حٲصل کٔرتھہ ۔ کینہہ چھہِ غلطی سان کیمیہ سعادت امہِ کتابہِ ہند نوِ سرہ لیکھنہ آمت نسخہ سمجھان۔ تاہم چھہٕ کیمیا سعادت اَمہِ کتابہ کھۄتہٕ ژھوٚٹ۔ بہر حال، غزالی ین ووٚن زِ تٔمؠ لیچھہ یہٕ تٔمؠ سٕنٛزن باقین تعلیمن ہٕنٛز عکٲسی کرنہٕ خٲطرٕ۔

مضمُون

یہٕ کتاب چھےٚ ژۄن حصن مَنٛز بٲگرِتھہ، یَتھ مَنٛز پرؠتھ حصس مَنٛز دَہ کتابہٕ چھہٕ، ییمہ چھہٕ اسلامٕکؠ عقائد تہٕ عَملن واضح کران تہٕ یہِ ظٲہر کران زِ یم کٕتھ کٔنؠ ہؠکین اکہِ عملی تہٕ عقیدتی زندگی ہٕنز بنیاد بٔنِتھ، یُس تصوف یا تصوف کؠن اعلیٰ سطحن ہُنٛد بٲعث چُھہ۔

ایمیکؠ ژور حصہٕ چھہٕ:

1۔ ربع العبادات

2۔ربع العادات

3۔ربع المهلكات

4۔ربع المنجیات