آرتھوہَنتا وایرس

آرتھوہَنتا وایرس

Orthohantavirus
مولوٗماتھ
جینوم	negative-sense single strand RNA virus (en)
رٕژوٲنؠ
سۄرٲزؠ	Orthornavirae (Orthornavirae)
سۄرد	Negarnaviricota (Negarnaviricota)
نِکٲے	Ellioviricetes (Bunyaviricetes)
وۄٹٕچؠ	Elliovirales (Elliovirales)
پرٛٲژ	Hantaviridae (Hantaviridae)
جٲتؠ	Orthohantavirus
ناوکرُن
ہِوی	Hantavirus
قٕسٕم	Hantaan orthohantavirus

آرتھوہنتا وایرس یا ہَنتا وایرس چھُ اَکھ خطرناک وایرس۔ یہِ چھُ فہرستس مَنٛز ترٛیٚیِم ساروٕے کھۄتہٕ خطرناک وایرس ماننہٕ یِوان۔ یہِ چھِ اَکھ نایاب بیمٲرؠ ۔ ہَنتا وایرس چھُ ترُٛکَن والؠن جانورن عام طور گگرن ہٕنٛدِ ذٔریعہٕ منتقل گژھن وٲلؠ وایرسن ہُنٛد اَکھ گروپ یُس اِنسانن بؠمار ہیٚکہِ کٔرِتھ۔

تَوٲریٖخ

امہِ وایرسُک ناو چھُ جۆنوٗبی کوریا کِس ہَنتَن دٔریاوَس پؠٹھ تھاونہٕ آمُت، ییٚتہِ أمؠ 1950 ہَس مَنٛز ویتنام جَنٛگس دوران گۄڈنِچہِ لٹہِ امریکی فوجس مُتأثر کوٚر، یَتھ مَنٛز 1000 کھۄتہٕ زیٛادٕ فوجی ہلاک گٔیہِ۔ ہنتا وایرس پھوٚلیو 2012 مَنٛز امریکی ریاستن مَنٛز۔ ماننہٕ چھُ یِوان زِ یہِ چھُ ترُٛکَن والؠن ہٕنٛدِ ذٔریعہٕ پھٔہلان۔ مارٕچ 2020 ہَس مَنٛز آیہِ چیٖنَس مَنٛز وباہٕچ اِطلاع تہِ۔

2026

مُکَمَل مَضموٗن: ایم وی ہونٛڈِیَس ہَنتا وایرس

2026 ہس مَنٛز پھٔہلییہِ ہنتا وایرس ناوٕچ اَکھ نایاب بیمٲرؠ سمندرس مَنٛز سفر کرن وٲلِس ڈچ کرٛوٗز جہازس پؠٹھ، یَتھ مَنٛز اَکھ بُزرگ خانٛدرٕ دار جورِ ہیتھ ترےٚ نفر ہلاک گٔیہِ، تہٕ کم از کم تریہ گٔیہِ متٲثر۔

پھۄہلاو تہٕ عَلامژٕ

ہَنتاوایرسکُ پھۄہلاو

ہَنتا وایرس چھُ عام طور ترُٛکَن والؠن ہٕنٛدِ نجاست یا پیشاب کہِ ذٔریعہٕ انسانن مَنٛز منتقل گژھان تہٕ یہِ ہیکہِ ششہٕ نارٕ یا گردن ہٕنٛزِ شٔدیٖد بیمارِ ہُنٛد سبب بٔنِتھ۔ امہِ سٟتؠ متٲثر گژھن والؠن چھِ شِشہٕ نارٕچ بیمارِ، بۄکہٕ وچہِ بِہِتھ گژھن تہٕ تپھ ہِوؠ علامات محسوٗس کران۔ علامژن چھِ 6 ہفتن انٛدر ظٲہِر گژھان۔ یہِ چھُ جنگلی حیاتَو تہٕ پالتو جانورن ہِنٛدِ ذٔریعہٕ تہِ پھٔہلان۔ ورلڈ ہیلتھ آرگنائزیشنہِ مُطٲبِق ہیٚکہِ یہِ بیمٲرؠ نفرٕ پؠٹھٕ نفرَس تام تہِ پھٔہلِتھ۔

ویکسیٖن

امریکاہس مَنٛز آو 2014 ہس مَنٛز اَکھ ویکسین تیار کرنہٕ۔ وونہِ گوٚو ، امہِ وایرسُک چھُنہٕ فِلحال کانٛہہ خاص ییٚلاج یا ویکسیٖن، حالانٛکہِ جلدی ییٚلٲجی توجہ چھِ ممکن۔